Леонардо призна дека постојат проблеми во ПСЖ: Ситуацијата со Меси е компликувана

1 min read

Лионел Меси во летниот преоден рок пред почетокот на сезонава по 20 години ја напушти Барселона и се пресели во ПСЖ каде неговите игри се далеку од тоа што го очекуваат и навивачите.

На последниот натпревар во Лига 1 против Лил, тренерот Маурисио Покетино на стартот од второто полувреме го извади од игра Меси и потоа тој потег го објасни со тоа што Аргентинецот бил повреден.
Сега по повод слабите игри на Меси во Лига 1 каде сè уште нема постигнато гол, се огласи и спортскиот директор Леонардо.

– Ситуацијата со Меси и компликувана. Во првиот период во ПСЖ, Меси повеќе време помина со аргентинската репрезентација отколку со клубот поради што сега има проблем. Со толку патување, сево ова е нормално – смета Леонардо.

Според француските медиуми, Лионел Меси беше еден од најслабите играчи на ПСЖ во натпреварот против Лил, но директорот на „светците“ смета дека тоа е нормална реакција на телото.
– Нормално е да имате проблеми со мускулите кога патувате толку многу. Слично е и со Нејмар – додава Леонардо.

Во досегашниот дел од сезоната во Лига 1, Лионел Меси упати 15 шутеви кон  противничките голмани, но не постигна ниту еден гол.

www.slobodenpecat.mk

Претходно

Скопјани помасовно гласаат сега отколку во првиот круг локални избори

Следно

Кацаров: Ковид состојбата е ужасна, можен карантин во Бугарија

Latest from Blog

MacedonianEnglishAlbanian