Кацаров: Ковид состојбата е ужасна, можен карантин во Бугарија

1 min read

Министерот за здравство на Бугарија Стојчо Кацаров за бТВ денеска изјави дека воведувањето „локдаун” е опција која „со сигурност” се разгледува.

Кацаров појасни дека нема конкретен број за болните што ќе се земе предвид за ваквата одлука, а ќе биде врз основа на оценката на целата популација, тенденциите и преоптовареноста на болниците во Бугарија, пренесува БГНЕС.

Тој истакна дека Бугарија, според сегашните податоци на заразеност, требало да биде затворена, но тоа било избегнато поради воведувањето на зелените сертификати.

Според него, доколку луѓето ги почитуваат мерките и се вакцинираат, постои можност да се избегне затворањето.

Aĸo сегашните противепидемиски мерки не дадат резултат и дојде до преоптоварување на болниците, тоа е последната можност пред бугарските здравствени власти да се наложи целосна блокада на секаква општествена и стопанска дејност за да се спречи ширењето на коронавирусот.

Според Кацаров, ова е најтешкиот бран на коронавирус во Бугарија во период од 19 месеци по неговото појавување, а бројот на жртви е за 25 отсто повеќе отколку во претходните бр анови.

Министерот смета дека здравствениот систем во моментов функционира подобро, бројот на хоспитализации е помал од претходно, но состојбата во одделенијата за интензивна нега е критична.

Болниците во Бугарија преполни, состојбата и понатаму се влошува

www.slobodenpecat.mk

Претходно

Леонардо призна дека постојат проблеми во ПСЖ: Ситуацијата со Меси е компликувана

Следно

Роденден без торта не бива: Десерт од кој вашиот миленик ќе залае од среќа

Latest from Blog

MacedonianEnglishAlbanian