Милиони Европејци бараат да се стави крај на промената од зимското и од летно менување на времето. Еве зошто тоа се уште се менува!

3 mins read

Вечерва стрелките на часовникот се враќаат еден час назад со што завршува летното сметање на времето, а започнува зимското, што значи дека часовникот мора да се врати еден час назад, односно од 3 до 2 часот .

Поместувањето на стрелките на часовникот има последици по здравјето, но и врз економијата
Постојат неколку аспекти на кои влијае промената на часовникот.

Едно од нив е здравјето, кое, сепак, има најголемо влијание на преминот од зимско во летно сметање на времето. Истражувањата покажуваат дека менувањето на стрелките на часовникот го зголемува ризикот од кардиоваскуларни болести, но и несоница и главоболки. Замор и недостаток на концентрација

Освен здравствениот, тука е и економскиот. Со враќањето на зимското сметање на времето се менуваат и периодите на дневни тарифи за наплата, па сега потрошената струја ќе се наплаќа според повисоката тарифа од 7 до 21 часот, а според пониската тарифа од 21 до 7 часот. 

Исто така, според некои анализи, со преминување од зимско на летно сметање на времето се троши 1 отсто повеќе гориво поради подолг ден, а заштедата на струја е зголемена за 0,5 отсто. На почетокот се мислеше дека ќе се спаси многу повеќе.

Но, до кога ќе ги менуваме стрелките на часовникот? Пред три години, Европската комисија предложи да се укине сезонското движење на стрелките на часовникот, се веруваше дека промената ќе се случи брзо, но тоа сè уште не се случи.

Од европската комисија велат дека одлука е одложена бидејќи членките на ЕУ не можат да се договорат кога таа да започне – лето или зима, а тоа го блокира целиот процес. Исто така, поради пандемијата, прашањето падна во сенка“, велат извори од Европската комисија.

Од Европската комисија посочуваат и дека различни земји имаат различни ставови.

„Процесот на договор за постојано летно или зимско сметање на времето трае подолго од очекуваното поради фактот што корона вирусот го турна и го турна прашањето во втор план. Исто така, различни земји имаат различни погледи, туристичките земји сакаат да го напуштат летното сметање на времето, северните држави сакаат во зимско сметање , а Ирска сака да биде во временска зона со Велика Британија која е надвор од ЕУ

„Значи, земјите мора да го усогласат она што го сакаат нивните граѓани со позицијата на соседните земји од практични причини, а потоа да донесат одлука на ниво на ЕУ. Сите се свесни дека најдобро би било сите да бидеме иста зона, но таков договор изгледа далеку“, се посочува од ЕК.

 

www.slobodenpecat.mk

Претходно

ФОТО | Скриена, но сите ја знаат: Исконски иконски бурек ќе јадете во оваа скопска пекарница

Следно

Милан Кучан: Следните избори ќе одлучат за враќање на демократијата, актуелната власт за Словенците е туѓинска

Latest from Blog

MacedonianEnglishAlbanian