ПОСТИГНАТ ДОГОВОР Тачи: Во Тетово е завршена работата, победува ДУИ!

2 mins read

Во пресрет на вториот круг од локалните избори, ДУИ и ДПА се договорија за меѓусебна поддршка. Всушност, лидерот на ДУИ Али Ахмети очекува поддршка од гласачите на ДПА во општините каде што кандидатите на ДУИ одат на вториот круг, како Тетово, Теарце, Боговиње, Врапчиште, Гостивар, Струга, Чашка, па дури и во Чаир.

– Го заокруживме договорот. Јас и господинот Ахмети имавме разговори неколку денови. Договорот значи дека ДПА ќе ги поддржи кандидатите на ДУИ во сите општини, додека во Студеничани ќе имаме демократска трка меѓу нашиот кандидат и кандидатот на ДУИ, но овој пат централната власт нема да биде вмешана во кампањата за да биде битката најфер и најправедна, иако верувам дека ДПА има голема предност во Студеничани и секако ќе победиме – изјави Тачи.

Тој најави дека договорот со ДУИ е долгорочен и дополнително ќе ги откријат деталите.

– Во Тетово со овој договор е завршена работата. Победува кандидатот на ДУИ. Овој договор има перспектива за луѓето од ДПА. Во рамките на овој договор има многу институции на локално ниво, кои ќе ги водат луѓе на ДПА – подвлекува Тачи.

Дека овој договор е постигнат, за „Слободен печат“ потврдија и од ДУИ. Од ДПА на Мендух Тачи најавија дека во Скопје ќе го поддржат кандидатот на СДСМ, Петре Шилегов.

Тачи најавува дека парламентарното мнозинство по локалните избори ќе брои 66 пратеници, бидејќи Алтернатива ќе биде дел од Владата.

– Заев и Ахмети не можат да кажат, но јас тоа го кажувам отворено. Работата со Алтернативата е завршена. Четворицата пратеници на Алтернатива ќе бидат поддржувачи на Владата и ќе бидат учесници во Владата. Заеви не го кажуваат ова, Ахмети не го кажува, затоа што не сакаат да предизвикаат шок во рамките на коалициските партнери – изјави Тачи.

www.slobodenpecat.mk

Претходно

Дарко Костовски ја презеде градоначалничката функција во Општина Бутел

Следно

Роналдо: Понекогаш резултатот не е оној за кој се бориме

Latest from Blog

MacedonianEnglishAlbanian