Вашингтон очекува разјаснување од Анкара за протерувањето на амбасадорите на 10 западни држави

1 min read

Вашингтон очекува Анкара да ги разјасни акцентите на турскиот претседател Реџеп Таип Ердоган за прогласување персона нон грата на амбасадори на 10 држави. Меѓу нив е и шефот на дипломатската мисија на САД, соопшти Стејт департментот.

Претходно, претседателот на Европскиот парламент Дејвид Сасоли ги оквалификува акциите на Турција како авторитарна тенденција.

Ердоган прогласи за персона нон грата амбасадори на 10 западни држави. Мерката што ја најави Ердоган е затоа што дипломатите изразиле поддршка и побараа ослободување на турскиот активист Осман Кавала.

Кавала, соработник на бројни граѓански групи, е во затвор четири години, обвинет за финансирање протести низ целата земја во 2013 година и за вмешаност во неуспешниот државен удар во 2016 година. Тој остана во притвор додека трае неговото последно судење и ги негира обвиненијата.

Во заедничката изјава на 18 октомври, амбасадорите на Канада, Данска, Франција, Германија, Холандија, Норвешка, Шведска, Финска, Нов Зеланд и САД повикаа на праведно и брзо решавање на случајот на Кавала и за негово „итно ослободување”.Тој се наоѓа в затвор без пресуда, иако неговото ослободување беше со одлука на Европскиот суд за човекови права во декември 2019 година. Тие беа повикани од Министерството за надворешни работи, кое изјавата ја нарече неодговорна.

Извор: МИА

www.slobodenpecat.mk

Претходно

Стоматолог Илија Караманов: Терапија на гингивите

Следно

Земјата е умерено подготвена во областа на владеење на правото, оценува Извештајот на ЕК

Latest from Blog

MacedonianEnglishAlbanian