Повлекувањето на НАТО од Авганистан го забрза процесот на „балканизација” на КФОР

2 mins read

Повлекувањето на силите на НАТО од Авганистан може да го забрза процесот на таканаречената „балканизација” на меѓународната мисија на Косово, во која дури две третини од оперативните сили на КФОР би можеле да се состојат од војници од земјите од поранешна Југославија и непосредна близина. Според порталот Балканска безбедносна мрежа, тој процес всушност веќе е започнат, а Хрватска отишла најдалеку од сите нив, зголемувајќи го своето присуство  од еден тим од два транспортни хеликоптери до цела пешадиска чета.

„Минатата година и Унгарија го зголеми својот контингент во оваа мисија, а неодамнешното назначување на унгарски бригаден генерал на чело на оваа мисија укажува дека регионот добива се позначајно место во КФОР. Со тоа за првпат една држава од опкружувањето се најде на таа функција”, наведува во текстот.

Порталот потсетува дека и покрај протокот од 20 години од конфликтот во Косово, Србија се уште инсистира бројот на членовите на КФОР да не се намалува дополнително иако КФОР е намален од почетните 50.000 луѓе до околу 3.800.

„Во таа смисла, на повидок е решение што би предвидувало евентуалното дополнително заминување на војниците од западните земји да се компензира со зголемување на војниците од околните земји. Тоа стана можно по нивното повлекување од Авганистан и кое веќе е присутно во плановите на некои поранешни југословенски држави” во текстот се потсетува и дека сега имаат „вишок мировници на располагање”.

Првиот импулс во таа насока го даде Унгарија, која неодамна од Италија ја презеде командата со КФОР, а на Косово има и баталјон од 397 војници и офицери.

Извор: МИА

www.slobodenpecat.mk

Претходно

ВИДЕО: „Последниот Император“ Емелијаненко се врати од пензија со нокаут

Следно

Сѐ што треба да знаете за тенџерињата и тавите: Кои садови се токсични и како правилно да ги чистите

Latest from Blog

АРСОВСКА ЈА ЧУВААТ СПЕЦИЈАЛЦИТЕ НА МВР – градоначалничката „се плаши“ да излезе и да се сретне со приватните превозници, но и со новинарите! (ФОТО)

Откако денеска беше најавен протест на приватните превозници градот Скопје буквално опколено со полициски службеници. Градоначалничката

MacedonianEnglishAlbanian