Аргентина ги замрзна цените на повеќе од 1.400 артикли, поради високата инфлација

1 min read

Владата на Аргентина поради релативно високата инфлација ги замрзна цените на повеќе од 1.400 артикли, главно храна и производи за хигиена.

На компаниите не им е дозволено да ги зголемат цените во следните 90 дена, изјави аргентинскиот државен секретар за трговија Роберто Фелети.

Претходно, левичарската Влада на претседателот Алберто Фернандез ги прекина преговорите со здружението на прехранбената индустрија без да постигне договор.

Стапката на инфлација во Аргентина е над 50 проценти, што е една од највисоките во светот.

Аргентина некогаш богатата земја, е во тешка економска и финансиска криза, поради пренатрупан државен апарат, ниска продуктивност во индустријата и голема сива економија. Вредноста на пезосот продолжува да се намалува, а растат долговите.

Извор: МИА

www.slobodenpecat.mk

Претходно

Избувнал пожар во Скопје, починала повозрасна жена

Следно

И минималната и просечната плата се зголемија за 100 евра, но веројатно граѓаните очекуваат повеќе, вели Заев

Latest from Blog

MacedonianEnglishAlbanian