Американската администрација генерално е многу фокусирана на овие демократски процеси меѓу кои и изборите, а особено администрацијата во земјава бидејќи многу инвестираат во нив и не сакаат да се создаде дамка на процесот. Јас воопшто не би земал за зло на обидите превентивно да се преземе нешто отколку воопшто да не се реагира, вели министерот за надворешни работи Бујар Османи во однос на пријавата на амбасадата на САД на изборниот ден дека се вооружени 83 лица со намера да предизвикаат нарушување на изборниот процес и влевање страв кај гласачите.
Додава дека според него пораката е добронамерна и не е испратена само до владата туку до сите учесници во процесот. Во однос на неговата матична партија ДУИ и изборниот процес вели дека остварила одлични резултати во сите општини.
-Вториот круг очекувам да биде покомплициран но сепак генерално можам да кажам дека остваривме одлични резултати на овие избори. И во Гостивар имаме одлични резултати односно го зголемивме бројот на советници во општината но и воопшто бројот на гласачи кои го дадоа гласот за нашиот кандидат, вели Османи.
