Катастрофалното прво полувреме му пресуди на Е. Пелистер против Ним

2 mins read

Ракометарите на Еурофарм Пелистер со пораз на домашен терен ги започнаа настапите во Европската лига. Битолчани се поразени со 21:26 од францускиот Ним и тоа поради катастрофалната игра во првото полувреме кое постигнаа само шест гола.

Елмир Граѓан го постигна првиот гол на натпреварот по што следеше неверојатен пад во играта на битолчани кои цели 11 минути потоа не успеаја да го совладаат одличниот голман на Ним, Реми Дебоне. За тоа време Ним постигна седум гола по ред.

Потоа Стипе Мандалиниќ постигна два гола по ред, но Французите возвратија и во 20 минута имаа предност од 4:11.

Голманот на Ним, Реми Дебоне блескаше со 11 одбрани и дури три постигнати гола/фото: РК Еурофарм Пелистер

Тренерот на Е. Пелистер, Жељко Бабиќ се обиде да ја смени тактиката и почна да игра седум на шест, но битолчани имаа премногу загубени топки во нападот што му овозможи на противникот лесни голови.

Згора на тоа блескаше и голманот Дебоне кој имаше осум одбрани во првото полувреме, а притоа постигна и три гола. Катастрофалната игра на ракометарите на Еурофарм Пелистер, најдобро ја отсликува и резултатот на крајот од првиот дел, 6:15.

Ракометарите на Ним сурово ги казнуваа сите грешки на Е. Пелистер/фото: РК Еурофарм Пелистер

Второто полувреме започне со мини серија од 3:0 на битолчани, но Ним возвраќа со своја серија од 0:4 и во 41 минута за прв пат разликата беше двоцифрена (9:19) по што беше сосема јасно дека Е. Пелистер со пораз ќе ги започне настапите во Европската Лига. Битолчани во финишот го искористија опуштањето на противникот и успеаја да избегнат убедлив пораз, на крајот се поразени со четири гола разлика, 21:26.

Најпрецизен во редовите на Е. Пелистер беше Стипе Мандалиниќ со седум постигнати голови, Елмир Граѓан даде пет гола, Табоада даде четири гола, додека кај Ним се истакнаа Мохамед Санад со седум гола и голманот Дебоне кој имаше 11 одбрани и три постигнати голови.
Во второто коло, Е. Пелистер идниот вторник му гостува на тимот на Кадетен Шахфаузен.

www.slobodenpecat.mk

Претходно

Аналитичари: Исходот од локалните избори е изненадувачки, ова е меѓу најслабите резултати на СДСМ

Следно

ФОТО | Глумицата Лидија Вукиќевиќ на 59 години е млазен авион!

Latest from Blog

MacedonianEnglishAlbanian