Натпреварот во женската ракометна Лига на шампиони помеѓу Крим и Мец заврши со триумф на гостинките од 28:29 и тоа со голот на Луиз Бургорд на осум секунди до крајот.
Но, вистинска драма се случи неколку секунди подоцна кога десниот бек на Крим, Осеан Серсиен-Уголан по поздравувањето со противничките, колабираше на теренот. Французинката која настапува за Крим се пожали на болки и два пати колабираше, а ракометарките на двете екипи веднаш ја опкружија за камерите да не ја снимаат несреќната ракометарка во моменти кога и се укажува лекарска помош.
Лекарите веднаш успеаја да и го извадат јазикот на Уголан и потоа да биде однесена во болница. Ракометарката која со Франција го освои златниот медал на Олимписките игри, се наоѓа во стабилна здравствена состојба.
– Осеан е подобро, дојде при свест. Таа се наоѓа во добри раце – изјави нејзината колешка од Крим и од француската репрезентација, Алисон Пино.
[🤾♀️] on pense très très fort à Océane Sercien-Ugolin après ce match européen et les images terribles après le coup de sifflet final 🤞🙏 pic.twitter.com/cQ9vYFiCdU
— Caroline (@MumTaupe) October 17, 2021
