Зошто тартуфите се толку скапи

3 mins read

Се повеќе се зборува за нив – највредната и најскапата печурка во светот, освен својот специфичен вкус, крие многу вредности, па нејзината цена оди и до неколку илјади евра за килограм.

Тартуфите се специфични зошто е извонредно тешко тие да се пронајдат, така што некои луѓе сигурно ги јадат затоа што е фенси да се јадат тартуфи. Но востинската причина за нивно обожување доаѓа поради нивниот мирис, тие даваат многу специфична арома на секое јадење и не ги нарекуваат напразно црно злато. Во рестораните најчесто се користат свежи тартуфи, но и тартуфното масло, путерот и сирењето со овие печурки се фантастични.

Тартуфи
Фото: Тартуфи / Извор: Profimedia

Побарувачката за нив се чини расте во последно време. Луѓето сакаат да пробаат нешто различно, особено затоа што се зборува многу за нив, дека цената на порциите со тартуфи е секако поскапа од оние без нив и дека главно зависи од тоа колку тартуфи, на пример, се рендаат врз одредено јадење.

Покрај посебниот вкус што го даваат на храната, старата приказна е дека тартуфите се природен афродизијак, дека обезбедуваат виталност и дека се одлична храна за мозокот од која стануваме попаметни. Но, не е лесно да се стигне до нив.

 

View this post on Instagram

 

A post shared by The Wild Room (@the_wild_room)

Овие габи растат под земја, и само во одредени области, во шумите на Европа, а понекогаш и во Австралија и Орегон, и се развиваат само ако се во симбиоза со дрвјата. Како што созреваат под земја, испуштаат мириси што можат да ги мирисаат само свињите и кучињата обучени за таа цел. И бидејќи е толку тешко да се достигнат, и не можат да се одгледуваат вештачки, тартуфите се високо ценета храна во гастрономијата.

 

View this post on Instagram

 

A post shared by simplelitious (@simplelitious)

Исто така, нивната специфична арома испарува многу брзо и затоа е многу важно тартуфот да стигне до масата што е можно поскоро. И тоа е уште една причина за нивната висока цена – покрај тоа што се ретки, недостапни, здрави и вкусни.

 

View this post on Instagram

 

A post shared by Perpetually HANGRY (@hanger.pangs)

Постојат неколку стотици различни видови тартуфи, од кои само десетина се јадат. По нив се трага уште од античко време бидејќи можат да бидат одличен извор на приход, а еден од најпознатите региони богат со тартуфи е Истра во Хрватска. Таму наоѓаат неверојатни седум до девет тони тартуфи годишно. Речиси една третина од тоа се црни тартуфи, а останатите се бели тартуфи, кои може да се најдат само од септември до декември и затоа нивната цена е повисока – до неверојатни 5.000 евра за килограм. Најголемиот тартуф некогаш пронајден тежел 1.310 грама и влегол во Гинисовата книга на рекорди.

 

View this post on Instagram

 

A post shared by @j_vais

Извор: www.slobodenpecat.mk

Претходно

И ИОК е против идејата на ФИФА за Мундијалите да се играат на две години

Следно

Скопје станува регионална трговска престолнина, кои брендови доаѓаат во Ист Гејт Мол?

Latest from Blog

Магла на Стража

Намалена видливост од 50 до 70 метри поради појава на магла има на планинскиот премин Стража,

MacedonianEnglishAlbanian