АБА лига: Македонскиот репрезентативец Вајли солиден во триумфот на Будуќност

1 min read

Џејкоб Вајли го одигра првиот официјален натпревар за екипата на Будуќност денеска во натпреварот од третото коло од АБА лигата.

Во Подгорица гостуваше поранешниот европски шампион, хрватскиот Сплит. А по доста израмнети 40 минути, на крајот се радуваа „сино-белите“ со резултат 75:66.

Македонскиот репрезентативец Вајли не беше стартер, и не одигра голем број на минути. Исто така очекувано, особено доколку се земе в предвид дека имаше проблеми со личните грешки.

Тргна одлично, врза седум поени по ред, но за кратко време доби три лични грешки кои ја ограничија неговата минутажа на нецели шест.

Покрај поените (1/1 за три, 2/3 за два поени) имаше и една украдена топка, за конечен успех на црногорскиот претставник.

Ова беше втора победа за Будуќност сезонава во регионалното натпреварување за моментно четврто место со пет бодови, еден помалку од водечките Партизан и Цибона.

www.slobodenpecat.mk

Претходно

Николовски од Виница: Инвестираме во инфраструктурата во секоја општина подеднакво

Следно

Славчо Попоски предупредува: Врнежите продолжуваат до…, внимавајте на поплави! На планините можност за снег!

Latest from Blog

MacedonianEnglishAlbanian