Талибанците велат дека жените во владата ќе бидат „додадени подоцна“

2 mins read

Во ексклузивното интервју за Ал Џезира, талибанскиот лидер Сухаил Шахин порача дека меѓународната заедница мора да ги почитува желбите на авганистанскиот народ.

Талибанскиот „Исламски емират” е „подготвен за инклузивност, но не и за селективност”, изјави еден од водачите на групата за Ал Џезира како одговор на притисокот од Западот за формирање инклузивна влада во Авганистан. Талибанците велат дека припадниците на етничките малцинства се застапени во владата формирана минатиот месец и дека жените ќе бидат „додадени подоцна”.

Талибанците не беа отворени за американскиот предлог за вклучување на членови на претходната влада во „инклузивна” влада, велат извори за Ал Џезира.

„Меѓународната заедница мора да ги почитува желбите на авганистанскиот народ”, рече Сухаил Шахин, кој е назначена за амбасадор во ОН од страна на талибанците.

Авганистанската група која ја презеде власта на 15 август бара меѓународно признавање на Исламскиот емират во Авганистан (ИЕА), но Западот инсистира дека признавањето ќе зависи од тоа како талибанците се однесуваат кон жените и малцинствата.

Честото затворање на средните училишта за девојчиња и убиствата на Хазарите предизвикаа критики од групите за човекови права и предизвикаа загриженост во западните земји.

Изјавите на Шахин доаѓаат откако талибанската делегација предводена од Амир Кан Мутаки, кого талибанците го именуваа за министер за надворешни работи, пристигна во Доха на разговори со катарските претставници и претставници на други земји, вклучително и САД.

Американските функционери, вклучително и оние од разузнавачката служба и Стејт департментот, ќе ја имаат првата средба лице в лице со талибанските претставници откако американските војници се повлекоа од Авганистан на 30 август.

Безбедносните агенции на регионалните и меѓународните сили, исто така, очекуваат да разговараат со талибанската делегација, во која се вклучени шефот на разузнавачката служба мула Абдул Хак Васик, министерот за информации и култура мула Хаирулах Каирхва и шеикот Шахабудин Делавар.

Маулви Дилавар е еден од основачките членови на талибанскиот преговарачки тим во Доха. Тој беше испратен од мула Мохамед Омар, основач на групата, да основа политичка канцеларија во Доха. Дводневниот состанок започнува денеска.

Шахин во четвртокот имаше средби со амбасадори и претставници на неколку земји, вклучувајќи ги Велика Британија и САД.

Извор: МИА

www.slobodenpecat.mk

Претходно

Инцидент во Центар: Тешко повредена жена при напад од крадец

Следно

Први триумфи за БиХ и Казахстан во квалификациите за СП 2022

Latest from Blog

MacedonianEnglishAlbanian