Фејсбук се среди и им се извини на корисниците

1 min read

Фејсбук ги отстрани проблемите што предизвикаа втор прекин на неговата работа оваа недела и им се извини на корисниците.

Синоќа, Фејсбук, Месинџер и Инстаграм повторно станаа недостапни за корисниците во некои делови на светот. Според податоците на веб -страницата Downdetector, корисниците пријавиле прекини во работата на социјалните мрежи. Компанијата соопшти дека падот е предизвикан од „погрешна конфигурација” на рутерите.

„Искрено се извинуваме ако немавте пристап до нашите социјални мрежи во последните неколку часа. Го отстранивме проблемот и ви благодариме уште еднаш за трпението оваа недела”, се нагласува во објавата на Фејсбук.

Податоците за проблемите со Фејсбук почнаа да се појавуваат вчера по 20 часот. Корисниците во САД и Европа изразија незадоволство од работата на страницата и мобилната апликација. Неколку минути по првите известувања за прекини на Фејсбук, имаше и извештаи за проблеми со Инстаграм. Во понеделникот, Фејсбук, Месинџер, Инстаграм и Ватсап беа недостапни со часови во многу делови на светот.

Извор: МИА

www.slobodenpecat.mk

Претходно

 Меси ја отвори душата: Во ниту еден момент не помислував дека ќе си заминам од Барселона

Следно

До полноќ рок за пријавување за гласање на болни и немоќни, на лицата со Ковид-19 на 11 октомври

Latest from Blog

MacedonianEnglishAlbanian