Пандорини документи: Црногорскиот обвинител најави сослушување на Мило Ѓукановиќ

2 mins read

 Главниот специјален обвинител на Црна Гора, Миливоје Катниќ, изјави дека во случајот со Пандорини докименти, ќе биде сослушан претседателот на државата,  Мило Ѓукановиќ како граѓанин и додаде дека тие го формирале случајот бидејќи постои „сомневање”.

Во емисија на ТВ Вијести во која гостуваше заедно со директорот на невладината организација МАНС Вања Шаловиќ Марковиќ, која учествуваше во истрагата за меѓународен конзорциум новинари, тој рече дека побарале документација и испратиле писмо до Ѓукановиќ за да им даде одговори.

Специјалното државно обвинителство на Црна Гора отвори случај во врска со тврдењата на Мрежата за афирмација на невладиниот сектор (МАНС) дека Ѓукановиќ и неговиот син Блажо склучиле тајни договори за управување со нивниот имот во 2012 година, криејќи се зад комплицирана мрежа на поврзани компании од Велика Британија, Швајцарија и Панама, Гибралтар и Британските Девствени Острови.

Како дел од глобалниот проект „Пандорини документи”, како што се нарекуваа истекувани документи на офшор компании, МАНС најде заверени копии од договори за основање на трустови и компании во офшор дестинации формирани од Мило и Блажо Ѓукановиќ.

Катниќ рече дека побарале документација од МАНС и дека ќе го сослушаат Чаловиќ Марковиќ како граѓанин и евентуално синот на претседателот Блажо Ѓукановиќ, кој се споменува во доказите за постоење труст откриен во текот на истрагата.

„Доколку се утврди дека постои, во Англија, Швајцарија или на друга локација, ќе донесеме одлука врз основа на тоа. Доколку постои основа за сомневање, тој ќе биде третиран како и секој друг граѓанин, ќе побараме укинување на имунитетот и ќе се покрене постапка “, рече Катниќ

www.slobodenpecat.mk

Претходно

Новата директорка на Њукасл најави големи работи: Сакаме да бидеме на врвот во Премиер лигата и на кровот на Европа

Следно

Анџелина Џоли се ослободи од својот дел: Продадена нејзината половина од винаријата „Chateau Miraval“

Latest from Blog

MacedonianEnglishAlbanian