Е. Пелистер и Пролет им се вратија на победите во ракометната Суперлига

1 min read

Е. Пелистер после поразот во дербито од Вардар 1961, денеска забележа триумф во ракометната Суперлига од петтото коло дома убедливо над Радовиш со 42:22.

Во спортската сала „Боро Чурлевски“ во Битола домаќините после првите 30 минути водеа со 19:10.

Кај стрелците во триумфот Граџан осумпати се запиша во листата на стрелците, а еден погодок помалку имаше Мараш.

На спротивната страна за Радовиш осум голови постигна Вујниќ, а пет забележа Мехиќ.

На победите во шампионатот им се врати и тимот на Пролет кој со 31:26 го совлада Тиквеш. Во победничките редови Андоновски беше најдобар стрелец со шест голови, Голубовиќ додаде пет.

Се одиграа уште две средби, Охрид триумфираше над Скопје 37:25, а вториот тим на Е. Пелистер со 30:25 беше подобар од Прилеп.

www.slobodenpecat.mk

Претходно

Поради слаб интерес, повторно затворен најголемиот пункт за вакцинација во „Борис Трајковски“

Следно

Словенија во Брисел притиска да нѐ примат во ЕУ до 2030 година

Latest from Blog

MacedonianEnglishAlbanian