Рускиот хакер Бурков екстрадиран од САД во Москва

1 min read

Рускиот хакер Алексеј Бурков, кој во јуни 2020 година во САД беше осуден на девет години затвор, денеска е уапсен во Москва откако беше депортиран од САД.

Руската полиција го приведе Бурков на московскиот аеродром Шереметјево. Тој во Русија е обвинет во отсуство и се бараше негово апсење преку Интерпол.

САД го уапсија Бурков под сомнение дека покренал две интернет страници на кои се тргуваше со украдени броеви на кредитни и дебитни картички. Тој е обвинет и за кражба на лични податоците , како и упад во компјутерските системи и перење пари.

Бурков беше уапсен во Израел во декември 2015 година и беше екстрадиран во ноември 2019 година во САД. Тој во јануари 2020 година призна вина по разни обвиненија, вклучително измама, кражба на идентитети, упад во компјутерите и перење пари.

извор : MIA

www.slobodenpecat.mk

Претходно

Градот ќе банкротира со бесплатен јавен превоз

Следно

Во Република Српска забранет увоз на грозје од Северна Македонија поради пестициди

Latest from Blog

MacedonianEnglishAlbanian