Џафери: Анкетна комисија за пожарот во Тетово откако ќе заврши истрагата

1 min read

Претседателот на Собранието Талат Џафери смета дека предлогот за формирање Анкетна комисија за пожарот во модуларната болница во Тетово е преуранет. Анкетна комисија, според него, може да се формира откако ќе заврши работата на истражните и судските органи.

– Анкетната комисија не може да разгледа прашања коишто се во надлежност на истражните и судските органи. Вообичаено и претходните анкетни комисии како што беа за гостиварските настани и за Сопот се формирани постфестум. Според Деловникот, Собранието нема судски и истражни надлежности. Истрагата трае и кога ќе има заклучок од надлежните институции, тогаш може да се вклучи Собранието преку Анкетна комисија за да ги потврди или да ги отфрли наодите на овие органи, изјави Џафери по денешната средба со медиумите.

По пожарот во модуларната болница во Тетово, опозицијата поднесе барање до Собранието за формирање на Анкетна комисија, но тоа беше вратено со образложение дека е неуредно бидејќи не било испратено со уставното име на државата.

Извор: МИА

www.slobodenpecat.mk

Претходно

Талибанците би можеле да се вооружаат со 150 нуклеарни боеви глави, предупредува поранешниот советник за безбедност на Трамп

Следно

Леброн Џејмс пред десет години размислувал да ја напушти НБА и да го смени спортот

Latest from Blog

MacedonianEnglishAlbanian