Радев: Го повикувам Борисов да се кандидира за претседател на Бугарија

1 min read

Бугарскиот претседател Румен Радев го повика лидерот на ГЕРБ, Бојко Борисов, да се кандидира за шеф на државата, пренесува БГНЕС.

Радев смета дека „крајно време е Борисов да не ја користи својата партија како штит и да ја одбрани нејзината чест со кандидирање за претседател”.

Апелот до поранешниот бугарски премиер Борисов го упати за време на отворањето на новата академска година на Универзитетот за рударство и геологија.

Од денеска, иницијативните комисии, кои ќе номинираат независни кандидати за претседател и потпретседател на изборите на 14 ноември, можат да аплицираат за да се регистрираат во Централната изборна комисија на Бугарија. Крајниот рок за доставување документи е 4 октомври.

Според Уставот на Бугарија, право да биде избран за претседател и потпретседател има секој бугарски државјанин кој нема друго државјанство, на денот на изборите – 14 ноември, да има полни 40 години, да не е ставен под старателство, нема забрана, не издржува затворска казна и живее во земјата во последните пет години.

Секој претседател и потпретседател на Бугарија може да има два последователни мандата.

www.slobodenpecat.mk

Претходно

„Дан Кју“ со два медали на меѓународниот џиу џица турнир во Јахорина

Следно

Поранешен осуденик за убиства отвори „Соба на бес“ во Финска

Latest from Blog

MacedonianEnglishAlbanian