Заев со семејството ја исполнија граѓанската должност и законска обврска кон Пописот 2021

1 min read

Претседателот на Владата на Република Северна Македонија Зоран Заев, заедно со своето семејство во својот дом во Струмица, ја исполни граѓанската должност и законска обврска и ја спроведе постапката за попишување.

Како што истакнал тој, на овој начин тие станаа партнер во овој процес за да може државата, јавните институции, локалната власт и бизнис заедницата врз основа на добиените податоци да обезбедат подобар живот за сите граѓани на Северна Македонија.

„Остануваат уште четири дена до крајот на најважната и најсложена статистичка операција – Попис на населението, домаќинствата и становите, којашто ја спроведува Државниот завод за статистика. По 20 години, конечно нашата држава ќе добие релевантни и актуелни податоци кои понатаму ќе бидат основа за креирање на реални политики кои во целост одговараат на потребите на граѓаните“ рекол премиерот Заев, стои во соопштението од владиниот Сектор за односи со јавноста.

 

За оваа операција да биде целосно успешна останува и понатаму апелот, нагласил премиерот Заев, да ги пречекате попишувачите и низ едноставна постапка и за многу кратко време секој граѓанин да го даде својот придонес и со тоа да имаме успешен попис како гаранција за сигурна и предвидлива иднина за сите нас.

Извор: МИА

www.slobodenpecat.mk

Претходно

Лавров: Борел побара од Русија да се повлече од Африка

Следно

ВИДЕО: Николов со нов гол во Молдавија пред мечот со Реал

Latest from Blog

MacedonianEnglishAlbanian