Гаф на кандидатот за канцелар на Германија: Лашет си го покажа гласачкото ливче, ќе му биде ли важечко?

2 mins read

На денешните парламентарни избори во Германија додека се очекува изборот на идниот канцелар, бурна дискусија во јавноста предизвика гласачкото ливче кое го уфрли еден од кандидатите Армин Лашет од владејачката ЦДУ/ЦСУ.

Имено, Лашет намерно или несвесно обратно го свитка своето гласачко ливче и така го уфрли во гласачката кутија на избирачкото место во Ахен при што јасно беше видлив неговиот глас.

Чинот беше забележан и од страна на бројните фоторепортери и сниматели.

Многумина, ова го протолкуваа како кршење на избирачкото право, а некои дури и побараа да се поништи неговиот глас.

Во членот 56 од изборниот закон јасно е наведено дека од гласачкото место мора да се врати лицето кое гласачкото ливче го свиткало на начин што јасно се гледа за кого го дало гласот.

Тоа би значело дека изборната комисија, кога ќе ја увиди оваа „грешка“ на Лашет да му даде ново гласачко ливче и да го поништи претходно свитканото ливче.

Бидејќи тоа не е направено, правните експерти истакнуваат дека не е можно да се поништи неговото ливче, бидејќи веќе е во кутијата.

Исто така и неговата сопруга Сузане Лашет, како и сопругот, погрешно го свиткала ливчето и кај неа беше јасно видливо дека го дала својот глас за ЦДУ.

Инаку, по гласањето Лашет порача дека “на овие избори важен е секој глас“.

www.slobodenpecat.mk

Претходно

Трагедија на Козјак: Маж почина по превртување на чамец

Следно

ФОТО: Во Германската амбасада во Скопје се следат изборите во Германија, гости амбасадори и министри

Latest from Blog

MacedonianEnglishAlbanian