Филипче: Од утре почнува вакцинацијата со трета доза кај одредените групи лица

1 min read

Граѓаните над 60 години, здравствените работници и лица со имунолошки болести со потврда од утре ќе можат да примат трета доза вакцина против ковид -19, потврди денеска министерот за здравство Венко Филипче. Тој посочи дека процесот на скрининг во училиштата ќе почне најверојатно за две недели.

– Граѓаните над 60 години согласно временскиот период после примената втора доза на вакцина ќе добијат порака да се вакцинираат, притоа таа порака ќе биде потсетување во смисла дека нема посебен термин или пункт, може да одат каде било најблиску до местото на живеење. И понатаму ќе функционира пунктот во салата „Борис Трајковски”,во сите други поликлиники тука во Скопје и ширум државата, рече Филипче.

Одговарајќи на новинарско прашање, за скринингот во училиштата министерот Филипче рече дека најверојатно ќе започне за две недели.

-Ќе започнеме со обезбедување согласност од родителите и понатаму ќе ја презентираме и методологијата. Јас верувам дека припремата во текот на следнава недела ќе заврши и дека од таа недела потоа ќе го започнеме процесот на тестирање. Сакам да кажам дека целта е да се откријат евентуални асимптоматски носители на вирусот, знаејќи дека децата се најчестите асимптоматски преносители на вирусот, рече Филипче, кој денеска ја поддржа кампањата „Напред розово”.

Филипче: Се препорачува трета доза вакцина за граѓани над 60-годишна возраст

www.slobodenpecat.mk

Претходно

Драма на изборите во Германија, пронајдена бомба во близина на избирачко место

Следно

ВИДЕО: Миовски помеѓу најдобрите стрелци сезонава во Унгарија

Latest from Blog

MacedonianEnglishAlbanian