ВИДЕО | Расте тензијата во Косово: Српски борбени авиони го надлетуваат преминот Јариње (ВИДЕО)

1 min read

Косовските Срби шести ден по ред протестираат незадоволни од распоредувањето на специјалните полициски сили во Јариње и Брњак и одлуката на Приштина да ги замени регистарските таблички. Како што соопшти РТС, два авиона на Војската на Србија во два наврата околу пладне прелетаа над областа во близина на административниот премин Јариње, како и попладнево уште еднаш.

Појавувањето на авионите предизвика аплауз од насобраните, кои извикуваа „Србија, Србија”, објави РТС.

Во изминатите неколку дена, над областа кај Јариње прелетаа и хеликоптери на Војската на Србија.

– Од четврток, три хеликоптери МИ-35 ќе ја надлетуваат областа веднаш до административната линија во близина на преминот Јариње од страна на централна Србија, потврдија вчера од Министерството за одбрана.

Српскиот министер за внатрешни работи, Александар Вулин, изјави дека МВР и неговите единици и Војската на Србија се подготвени да одговорат на секоја ескалација, но и дека ќе сторат сé за да избегнат какви било конфликти и се да биде мирно, нагласувајќи дека вооружените единици на Приштина мора да се повлечат од северот на Косово.

– Србија има право со хеликоптери да го контролира секој дел од нејзината територија до административната линија, и тоа се наши редовни активности. Се разбира, сега нашиот интерес за таа област дополнително се зајакна и загрижени сме што вооружени луѓе стојат спроти невооружени цивили, изјави министерот Вулин во утринската програма на ТВ Прва. 

Извор: МИА

www.slobodenpecat.mk

Претходно

НБА кошаркарите кои не сакаат да се вакцинираат нема да можат да играат во Њујорк и Сан Франциско

Следно

Откриена причината за смртта на актерот Мајкл К. Вилијамс

Latest from Blog

MacedonianEnglishAlbanian