Tатко си ги задавил своите три деца во Загреб, убиството го најавил на фејсбук

2 mins read

Тешко злосторство во кое животот го загубија три деца се случило ноќеска во Загреб, пишува хрватски Дневник.

Според информациите на тамошните медиуми, во стан во загребската населба Млинови, полицијата пронашла три најверојатно задавени деца и нивниот татко, кои се обидел да изврши самоубиство откако ги убил децата, а претходно објавил писмо на фејбук

Во времето на злосторството, мајката на убиените деца не била во Загреб, а децата го поминувале викендот со својот татко. Според неофицијални информации, родителите на децата се развеле и децата најверојатно викендот го поминувале со својот татко.

Се уште нема официјално потврдена информација за убиството, мотивите на злосторството и жртвите. Имено, додека не го известат семејството, полицијата не сака да излезе во јавноста со никакви детали.

Околу два часот во Млинови, врз основа на добиените информации за најавеното самоубиство, во станот е пронајден маж кој се обидел да се самоубие, по што бил пренесен во болница, вели полицијата.

Официјално, полицијата само објави дека „три деца без знаци на живот се пронајдени на местото на настанот и постои сомневање за кривично дело убиство. Истрагата ја води заменик обвинителот на окружната држава“.

Се работи за три деца, близнаци момче и девојка на седумгодишна возраст и друг син на четиригодишна возраст.

Таткото преживеал, но неговата моментална состојба не е позната, а се вели дека е искусен финансиски консултант кој работел за неколку реномирани австриски компании и има своја консултантска компанија во Виена.

Пред бруталното злосторство, тој објавил писмо на социјалните мрежи во кое пишува дека неговата девојка го напуштила затоа што поранешната сопруга била лоша со неа и дека останал без пари. Ги споменува и неговите пријатели и браќа од масонската ложа.

www.slobodenpecat.mk

Претходно

Д-р Даниела Караманова, специјалист по ортодонција: Ортодонтски третман со мобилни апарати

Следно

Сончево и топло до 32 степена

Latest from Blog

MacedonianEnglishAlbanian