Албанија: Хакери бараат 300.000 долари за да ја вратат архивата на националната ТВ

1 min read

Албанската радио-телевизија (РТШ) била нападната од хакери, кои побарале 300 илјади долари за враќање на архивата.

Серверите на РТШ биле нападнати од сè уште неидентификувани лица преку хакерски систем наречен „ransomware”, пред околу две недели.

– Хакерите успеале да ја шифрираат базата на податоци на државната радио и телевизија, преку онлајн мрежата.Тие побарале 300 илјади долари за да го вратат материјалот на албанската радио-телевизија и да го дешифрираат, но РТШ одбила да плати, бидејќи поголемиот дел од базата на податоци за среќа била копирана во офлајн резервна копија, пренесува Топ чанел.

Според истиот извор, како резултат на овој напад, оштетен е само дел од дигиталната архива на Радио Тирана. Остатокот од телевизиската архива е пронајдена.

Ова е втор кибер-напад во рок од неколку дена на официјалните веб-страници на албанските јавни институции. Претходно, серверот на Министерството за внатрешни работи и на службата за жалби биле мета на хакерски напад.

www.slobodenpecat.mk

Претходно

Кошаркарките на Бадел триумфираа во Суперкупот

Следно

Славчо Попоски прогнозира: Викендов – лето, есен и пак студови од…

Latest from Blog

MacedonianEnglishAlbanian