ВИДЕО: Автобус влета на игралиште во Србија, повредени се неколку деца

1 min read

Тешка сообраќајна несреќа се случи попладнево во Земун, кога градски автобус, на кој му откажале кочниците, влета во игралиште полно со деца.

На социјалните мрежи се појавија неколку снимки од околните безбедносни камери, на кои се гледа како автобусот, кој бил управуван од 72-годишен возач, со голема брзина влетува на игралиштето, на кое, според сведоците, имало десетина луѓе. Неколку деца се повредени, а едно девојче посериозно, пренесуваат српските медиуми.

Повреденото девојче, според извештаите, е надвор од животна опасност. Според првичните информации од истрагата, причина на несреќата е тоа што се заглавила кочницата на автобусот.

Според дел од медиумите, возачот на автобусот веднаш по несреќата се оддалечил од местото, но подоцна е пронајден и приведен во полиција.

www.slobodenpecat.mk

Претходно

Јунајтед и Солскјер се жалат на судењето, виновен им е Клоп

Следно

ФОТОГАЛЕРИЈА | Неверојатна убавина во Железница: Дворот на Митко и Снежана не може да се опише со зборови!

Latest from Blog

MacedonianEnglishAlbanian