Неверојатно: Потпретседател е на држава, го бара Интерпол, има 50 деца и на 60 години заигра фудбал

2 mins read

Многу работи се видени во фудбалот, но некој како што е Рони Брунсвијк досега немало.
Брунсвијк е потпретседател на Суринам, осуден дилер, баран со потерница од Интерпол, татко на најмалку 50 деца и сега на 60 години заигра фудбал и тоа за клубот чиј сопственик е.

На натпреварот од осминафиналето на Лигата Конкакаф (која е пандан на Лигата на Европа во конфедерацијата на Средна и Северна Америка) помеѓу Интер од Суринам и Олимпија од Хондурас, од првата минута за домашниот тим играше Рони Брунсвијк.

Тој одигра 54 минути за Интер Мунготапу на мечот против Олимпија на возраст од 60 години и 168 дена, на стадионот кој го носи неговото име, а во тимот беше и неговиот син Дамијан. На крајот неговиот тим загуби со убедливи 0:6.

Рони Брунсвијк е човек со богато и контроверзно минато. Тој е поранешен бунтовник во Суринам во 1980-тите години, осуден дилер на дрога додека беше во Еворпа, а се наоѓа и на црвена потерница на Интерпол поради обвиненија за трговија со дрога и поврзаност со терористички и герилски организации. Во Холандија има извршено повеќе оружени грабежи во 1980-тите години.

Брунсвијк се наоѓа на црвена потерница на Интерпол

Сепак, Брунсвијк во својата држава има политичка заштита, тиј е потпретседател на Суринам и не може да биде уапсен.
Според медиумите тој е сопственик и на рудник за злато како и дека има 50 деца, а сега во својата „богата“ биографија додаде дека на 60 години стана фудбалер.

 

www.slobodenpecat.mk

Претходно

Двајца од пациентите кои го преживеаја пожарот во Тетово сѐ уште се во болница

Следно

Досега повеќе од 650.000 луѓе во Хрватска сами се попишале преку интернет

Latest from Blog

MacedonianEnglishAlbanian