„Пајакот“ во Центар за една недела кренал 76 возила

1 min read

ЈП Паркинзи на Општина Центар и Општина Центар во соработка со Сообраќајната полиција-Скопје изминатата седмица санкционираа 171 непрописно паркирани возила кои го попречувале нормалното и безбедно одвивање на сообраќајот.

Во периодот од 13.09. до 19.09.2021 година, со помош на специјалните возила „Пајак“ на ЈП ПОЦ отстранети се 76 непрописно паркирани возила, а со поставување на механичко средство „Блокатор“ санкционирани се 95 возила кои биле затекнати во резидентни зони, а не биле корисници-резиденти на секторот во којшто биле паркирани.

ЈП ПОЦ и Општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците.

Извор: skopjeinfo.mk

Претходно

Распоред на обуки за електронско аплицирање на Годишниот конкурс  за финансирање проекти од национален интерес во културата за 2022 година

Следно

Германец убил вработен на бензинска бидејќи не сакал да носи маска

Latest from Blog

MacedonianEnglishAlbanian