Се истражува оштетувањето на електричната табла до прилепската модуларна болница каде има 17 пациенти

1 min read

Нема никакви проблеми со функционирањето на модуларната болница по Прилеп по инцидентот со оштетувањето на таблата за напојување со електрична енергија кој го истражува полицијата, информираат кусо од болницата.

Инаку, синоќа болницата ја информирала полицијата, која направила увид, дека обезбедувањето забележало физичко оштетување, со хебла на таблата која е веднаш до модуларната болница и ја напојува со електрична енергија. Полицијата го истражува случајот, а земени се и снимките од безбедносните камери.

Според директорката на Општа болница со проширена надлежност од Прилеп Кети Смилеска, која кусо телефонски не информираше, нема проблеми во функционирањето на модуларната болница каде се хоспитализирани 17 ковид-пациенти.

– Во модуларната нема никаков прекин на струја, ниту е нарушено функционирањето. Од 17 хоспитализирани пациенти, 14 се на кислородна поддршка, а двајца пациенти се во тешка здравствена состојба, информира Смилеска.

По големата трагедија во тетовската модуларна болница, во прилепската имало вонредни инспекциски контроли и надзор на исправноста на противпожарните апарати, уредите и на електричната инсталација и не е најден никаков пропуст.

Ветерот разоткри саботажа во прилепската модуларна болница: Со хебла обиено струјното сандаче

www.slobodenpecat.mk

Претходно

Руски научник: При настинка е невозможно заразување со коронавирус

Следно

Трагедија во Белград: Млад 16-годишен фудбалер почина среде натпревар

Latest from Blog

MacedonianEnglishAlbanian