Милитанти убија полицаец во напад врз пункт за вакцинација во Пакистан

1 min read

Пакистански полицаец, кој чувал пункт за вакцинација против детска парализа, денеска е убиен од вооружени лица на мотоцикли во северозападниот дел на земјата, соопшти полицијата.

Американските медиуми наведуваат дека пакистанските милитанти често пати ги напаѓаат местата за вакцинација и полицијата што ги обезбедува, затоа што сметаат дека кампањите за вакцинација против детска парализа се дел од западната завера за стерилизација на пакистанските деца.

Овој последен напад се случи на третиот ден од петдневната кампања за вакцинација против детска парализа низ провинцијата.

Вакцинацијата е дел од националната програма за искоренување на детска парализа до крајот на 2021 година, а си неа се има за цел да се вакцинираат 6,24 милиони деца помлади од пет години.

Пакистан и Авганистан се единствените преостанати земји во светот кои се борат со детска парализа, откако Нигерија минатата година успешно ја искорени болеста.

Извор: МИА

www.slobodenpecat.mk

Претходно

Салиху: И врапчињата на покривите знаат дека Данела Арсовска игра за партиската коалиција ВМРО-ДПМНЕ-АА-Алтернатива

Следно

Фондација Спироски формира дарителски регистар за срцевина за да се спасат што повеќе пациенти со крвен канцер

Latest from Blog

MacedonianEnglishAlbanian