ВИДЕО | Заразените деца од Кина во карантин без нивните родители

3 mins read

Во бел костум од глава до пети, четиригодишно момче оди по болничкиот ходник за да оди во собата со скенерот.  

„Момчето (4) е заразено со корона, за жал, не смее да е во присуство на неговите родители, и тој е сам во карантин“, стои во описот на видеото на Твитер. 

Сцената е снимена од медицинска сестра во карантинска болница во Путијан, кинеско жариште на делта сојо.  

„Ми се скрши срцето“, е еден од коментарите на „Веиб“, кинеска платформа слична на Твитер. 

Видеото служи како моќен потсетник за цената на кинеската политика во борбата против коронавирусот.  

Инструкциите за елиминирање на вирусот се состојат од затворање на цели населби, тестирање на милиони жители за неколку дена и брзо изолирање на заразените луѓе и нивните блиски контакти во одредени објекти, пишува Си -Ен -Ен. Овој пат, строги мерки беа применети и за учениците – меѓу кои епидемијата за прв пат беше откриена и брзо се прошири.  

Со цел да се спречи понатамошно ширење на вирусот, заразените деца се одделени од родителите во градинките и се сместени во болничка изолација. Дури и децата кои биле во контакт со заразено лице, а тестовите покажале дека се негативни, се ставени во карантин без родители. 

Со тек на времето, сето тоа малку се олесни, така што на децата под 14 -годишна возраст им беше дозволено да останат со своите родители или членови на семејството во карантин, но изолацијата за заразените деца остана.  

Медицинската сестра која го снимила видеото за локалните медиуми изјавила дека очите и биле полни со солзи кога видела возило на амбулантата полно со деца во заштитни костуми, кои дошле доцна бидејќи едно од децата не сакало да излезе од својот дом, по што било принудено да им се приклучи и на другите деца.  

„Срцето ме здоболе кога ги видов тие мали деца сосема сами, без родители до нив, во болница, кои беа многу исплашени“ додаде таа.  

www.slobodenpecat.mk

Претходно

Мирен протест на „Водњанска“: Стоп за урбаната мафија на Водно

Следно

Владиката Петар ги предупреди невакцинираните: Тие се потенцијални самоубијци, за нив нема место во рајот

Latest from Blog

MacedonianEnglishAlbanian