Данска го укинува „правото на љубов“ за доживотно осудените: Сака да ги искорени „обожавателките на криминалците“

1 min read

На затворениците кои во данските затвори издржуваат доживотни затворски казни ќе им биде забрането да влегуваат во нови романтични врски за да се спречи феноменот „обожавателки на криминалците“.

Како што наведува Би-би-си, данската влада претставила нов закон со кој на затворениците кои издржуваат доживотна казна ќе им се ограничи контактирање само со оние со кои биле блиски во првите 10 години од служењето на казната.

Законот следува по откритието дека 17-годишна девојка се вљубила во убиецот Питер Медсен, осуден за бруталното убиство на младата новинарка Ким Вал на неговата подморница, откако таа се качила за да го интервјуира на 10 август 2017 година.

Мадсен подоцна го распарчил нејзиното тело и го фрлил во морето, а на доживотен затвор е осуден во 2018 година.

Камила Курстејн признала дека се вљубила во Медсен откако разменувала писма и разговарала по телефон со него, што траело две години.

Данскиот министер за правда, Ник Хекеруп навел во соопштението дека таквите односи „очигледно мора да престанат“ и додал дека осудените криминалци „не би требало да бидат во можност да ги користат затворите како центри за состаноци или за медиумски платформи за да се фалат со своите злосторства“.

– Видовме одвратни примери во последните години дека затворениците кои извршиле грозоморни злосторства контактирале со млади луѓе со цел да ја добијат нивната симпатија и внимание – додал тој.

Се очекува новиот закон да стапи на сила на почетокот на следната година.

Извор: www.slobodenpecat.mk

Претходно

В недела ќе се одржи осмиот Велешки пливачки маратон

Следно

Нови светлосни сообраќајни знаци поставени на неколку локации во Скопје

Latest from Blog

MacedonianEnglishAlbanian