Адвокат на Хилари Клинтон обвинет дека го лажел ФБИ

2 mins read

Адвокатот за кибер безбедност Мајкл Сусман, познат по неговиот ангажман во претседателската кампања на Хилари Клинтон во 2016 година, е обвинет дека наводно го лажел Федералното истражно биро (ФБИ) во текот на истрагата на американскиот специјален советник Џон Дурам за врски меѓу Русија и изборниот штаб на поранешниот претседател на САД, Доналд Трамп.

Сусман, кој ги застапуваше и Демократскиот национален комитет и Хилари Клинтон во случајот со руското хакирање на таа организација, беше обвинет за давање лажна изјава за време на состанокот одржан на 19 септември 2016 година со поранешниот советник на ФБИ, Џејмс Бејкер.

Тоа е втор кривичен случај што го покрена Дурам откако поранешниот државен обвинител Вилијам Бур го организираше неговото прислушување во 2019 година за да ја следи работата на американските службеници кои спроведуваат истрага за контактите меѓу Трамп и Русија.

Републиканецот Трамп во 2016 година оцени дека истрагата на ФБИ претставува „лов на вештерки”, а администрацијата на демократскиот претседател Џо Бајден му дозволила на Дурам да продолжи да ја извршува должноста специјален советник.

Сусман во обвинението се товари дека го лажел Бејкер кога го сретнал со цел да му даде документација и бази на податоци за контактите на организацијата на Трамп со една руска банка, велејќи дека тој не застапува ниту еден клиент.

Во обвинението понатаму се наведува дека Сусман ги предал податоците, но не како „совесен граѓанин”, туку како адвокат кој претставува еден извршен директор за технологија, интернет компанија и претседателската кампања на Хилари Клинтон.

Адвокатите на Сусман велат дека тој „ќе се бори против ова неосновано и политички инспирирано обвинение”.

ФБИ спроведе истрага за овој случај, но на крајот заклучи дека нема доволно докази за „таен комуникациски канал” меѓу организацијата на Трамп и руската банка, која во медиумските извештаи беше идентификувана како Алфа банка.

Извор: МИА

www.slobodenpecat.mk

Претходно

Се реконструира собиралиштето на пензионери во Бутел 1

Следно

Движење „Аваја“: Ромите од Струмица под притисок да се попишат како Турци

Latest from Blog

MacedonianEnglishAlbanian