ОЈО покрена постапка против скопјанецот кој во два стана одгледувал марихуана

1 min read

Јавен обвинител од Основното јавно обвинителство Скопје донесе Наредба за спроведување истражна постапка против 33-годишен скопјанец осомничен за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.

Од ОЈО информираат дека постои основано сомнение дека лицето во станот во кој живее и во станот на неговиот покоен дедо во Скопје недозволено одгледувал, преработувал и држел за продажба наркотична дрога – марихуана.

– При претрес во домот на осомничениот на булеварот „АСНОМ“ во Скопје биле пронајдени и одземени вкупно 71 стебло од растението канабис сатива, повеќе пакувања со марихуана, гранки во процес на сушење, тегли и други пакувања со семки од марихуана. Во втората илегална импровизирана лабораторија, пак, во стан на булеварот „Партизански одреди“, полициските службеници откриле уште 81 стебло од растението канабис сатива, кои се одгледувале во специјално направени услови со инсталирано посебно осветлување и температурни услови. Во станот биле пронајдени и 12 помали саксии со насади, ламби, вентилатори, засилувачи и друга опрема за производство на марихуана, се вели во соопштението од ОЈО.

Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомниченото лице, бидејќи постојат околности кои укажуваат дека ваквата мерка е неопходна за непречено водење на постапката, односно заради опасност од бегство, можност за влијание врз сведоци и можност осомничениот да го повтори делото.​​  

Извор: skopjeinfo.mk

Претходно

ФОТО | Лара Иванова е подготвена за настапот на „Макфест“: Со нетрпение чекам публиката да ја слушне мојата нова песна

Следно

ЕУ во јули нотира најголем број баратели на азил од почетокот на пандемијата

Latest from Blog

MacedonianEnglishAlbanian