Уште 20 дена до 17 Виз Ер Скопски Маратон

3 mins read

Полека, но сигурно се наближуваме до најспортскиот викенд оваа година. Уште 20 дена нè делат од традиционалниот спортски настан, Виз Ер Скопски Маратон, кој годинава ќе се одржи по 17 пат.

Виз Ер Скопски Маратон 2021, за првпат оваа година ќе се реализира како дводневен настан, на 2 и 3 октомври. Како и секоја година, организаторот ќе ги спроведе веќе познатите трки, со што во сабота, на 2 октомври ќе се трча трката на 5км, со старт од 17.00 часот, а во недела, на 3 октомври, ќе се трчаат маратонот, полумаратонот и штафетниот маратон – ЕУ за спорт, со почеток во 08.00 часот.

Подигањето на стартните пакети оваа година ќе биде од 30 септември до 2 октомври, во период од 12.00 часот до 19.00 часот, пред главниот влез на салата „Борис Трајковски“. Согласно новите препораки и правила, учесничките над 18 години, при подигнувањето на стартните пакети задолжително ќе мора да покажат сертификат – потврда за извршена имунизација или примена барем една доза вакцина, потврда за прележан ковид-19 во последните 45 дена или потврда за негативен ПЦР КОВИД тест направен во последните 72 часа пред одржување на трката.

Доколку, поради наведените правила, некој од пријавените учесници не може да учествува на Виз Ер Скопски Маратон 2021, истиот ќе може да искористи неколку опции, за искористување на котизацијата:

– учесникот ќе може да си ја префрли котизацијата за следната година, со што ќе го добие целосниот дигитален стартен пакет со сите попусти и ваучери од спонзорите за оваа година;

– учесникот ќе може да си ја префрли котизацијата во виртуелна трка 2021, со што ќе го добие целосниот дигитален стартен пакет со сите попусти и ваучери од спонзорите за оваа година (виртуелната трка ќе може да се трча од 2 до 15 октомври).

Промените можат да се извршат со логирање на профилот на учесникот на www.smartrace.club, а крајниот рок е до 21 септември.

Во текот на целиот настан задолжително ќе биде одржување дистанца од 1,5 метри, носење маска пред и по завршувањето на трката, како и постојана дезинфекција на рацете. Правилата за заштита од корона вирусот се задолжителни при подигањето на стартните патеки, пред стартот на трката и по завршување на трката.

Пријавувањето за Виз Ер Скопскиот Маратон 2021 трае до утре, 15 септември и истото може да се направи на официјалната веб страна www.skopskimaraton.com.mk.

Повеќе информации можат да се најдат на:
http://skopskimaraton.com.mk/ и https://www.facebook.com/skopskimaraton/.

www.slobodenpecat.mk

Претходно

Компанијата дм дрогерие маркт донираше 50 инфузиони пумпи во вредност од 53.000 евра

Следно

ВИДЕО: Сите гафови од посетата на Меркел во Тирана

Latest from Blog

АРСОВСКА ЈА ЧУВААТ СПЕЦИЈАЛЦИТЕ НА МВР – градоначалничката „се плаши“ да излезе и да се сретне со приватните превозници, но и со новинарите! (ФОТО)

Откако денеска беше најавен протест на приватните превозници градот Скопје буквално опколено со полициски службеници. Градоначалничката

MacedonianEnglishAlbanian