Македонија е во светскиот врв и според „скриените“ жртви на ковид-19, според „Економист“

1 min read

Македонија е во самиот светски врв не само според официјалниот број на ковид-жртви, туку и според одвишната смртност, која ги опфаќа и починатите во домашни услови кои никогаш не биле тестирани на ковид, според рангирањето на угледниот економски неделник „Економист“.

Професорот по теоретска механика, Дејан Трајковски, кој ги сподели податоците на Фејсбук, вели оти е важно да се истакне дека македонските бројки кои се земени предвид во анализата на „Економист“ се заклучно со 30.06.2021, пред почетокот на летниот бран, предизвикан од делта-сојот на вирусот.

Македонија е на третото место на листата на „Економист“, веднаш по Перу и Бугарија.

Дејан Трајковски /Фото: Архива на Слободен печат

„Во меѓувреме, бројот на починати кај нас прилично се зголеми, додека во Бугарија стагнираше, па најверојатно по завршувањето на третиот квартал ќе се најдеме на второто место. Ни Перу не е далеку, бидејќи тие веќе излегоа од зимата, а кај нас таа допрва доаѓа.
Пресметките се направени со официјалниот број на жители на државата од 2,08 милиони жители. Доколку сметаме со 1,7 милиони жители, одвишната смртност кај нас изнесува 615 починати на 100.000 жители, што е повеќе дури и од Перу, односно уште со јунските податоци сме биле први на светот“, вели Трајковски.

фото: Економист

„Одвишната смртност претставува збирен индикатор на сите наши неуспеси, што многу реално покажува колку лошо сме поминале во досегашниот тек на пандемијата“, заклучува професорот.

www.slobodenpecat.mk

Претходно

Вучиќ: Ние многу добро знаеме дека Косово е услов за пристапување на Србија во ЕУ

Следно

Ќе се повтори ли историјата? Еве што се случи во Србија на последната посета на Меркел

Latest from Blog

MacedonianEnglishAlbanian