ВИДЕО: Тетовчани излегоа на улиците да им оддадат почит на жртвите од опожарената болница

1 min read

Стотици жители на Тетово излегоа на марш да искажат почит кон жртвите кои загинаа во пожарот што ја зафати модуларната ковид болница на 8 ми септември при што загинаа 14 луѓе. Тие положија цвеќе пред веќе изгорената модуларната болница.

Во меѓувреме најавените германски експерти од Федералната криминалистика (Bundeskriminalamt), денеска пристигнаа во Тетово, и ќе помогнат околу истрагата за несреќата во модуларниот ковид центар во која загинаа 14 лица, објави ТВ 21.

Владата вчера соопшти дека била потврдена поддршката од Германија за да пристигнат стручни лица со највисок степен на експертиза во истраги при несреќи за да помогнат во утврдувањето на причините за пожарот во Тетово.
Тимот кој доаѓа од Германија е со висока експертиза во поддршката при истраги, особено во делот на форензички науки, днк анализи, електронски истраги и идентификација.
Вчера беа погребани жртвите од несреќата, откако претходно беше направена обдукција и идентификација од страна на судска медицина.

 

 

www.slobodenpecat.mk

Претходно

Трагедија во Црна Гора: Туристка сакала да се фотографира и паднала во амбис

Следно

Руските спортисти за освоените медали на Игрите во Токио наградени со пари, ордени и автомобили БМВ

Latest from Blog

MacedonianEnglishAlbanian