Со минута молчење во САД почна одбележувањето на две децении од терористичкиот напад

1 min read

 Со минута молчење во 08:46 часот на 11 септември, кога првиот авион се урна врз Светскиот трговски центар во Њујорк пред дваесет години, започна одбележувањето на две децении од терористичкиот напад врз САД, во кој животот го загубија 2.977 луѓе.

Во текот на денот на повеќе места ќе има минута молчење, во спомен на жртвите од сите напади врз САД на 11 септември 2001 година.

Американскиот претседател Џо Бајден и првата дама Џил Бајден, поранешните американски претседатели Барак Обама, Бил Клинтон и Џорџ Буш, како и неколку државни лидери, исто така присуствуваат на одбележувањето на годишнината во Њујорк.

По повод 20 -годишнината од нападот, американскиот претседател ќе присуствува на церемониите на сите три места на нападот, во Њујорк во близина на меморијалниот центар изграден на местото на уништените кули, на полето во Пенсилванија и во Пентагон.

Според планот за комеморација, ќе има шест минути молчење, што одговара на времето на ударот и уривањето на двете кули на Светскиот трговски центар, моментите на нападот во Пентагон и падот на летот број 93.

Извор: МИА

www.slobodenpecat.mk

Претходно

Кевин Принц Боатенг јавно се откажа од својот брат насилник Жером

Следно

Во Софија протест против анти-ковид рестриктивните мерки

Latest from Blog

MacedonianEnglishAlbanian