Ноќ за паметење: Нејмар го надмина Ромарио, Меси го собори рекордот на Пеле

2 mins read

Во квалификациите за пласман на СП 2022 година, фаворитите од Јужна Америка немаа проблеми и забележаа нови победи, а со триумфот Бразил веќе си обезбеди мундијалска виза за Катар.

За Бразил немаше никакви проблеми, во осмиот натпревар дојде до осмата победа, а последна жртва на „кариоките“ е Перу кој е совладан со 2:0.
Човек на одлука беше Нејмар кој прво му асистираше на Евертон Рибеиро, а потоа и тој се запиша во листата на стрелци со што го надмина Ромарио како најдобар стрелец во квалификациите за СП со 12 постигнати голови.

Аргентина е на добар пат да го обезбеди учеството на СП во Катар откако со 3:0 ја совлада Боливија и тоа благодарение на хет-трикот на Лионел Меси.
Меси со трите голови стана најдобар стрелец во репрезентативната историја на Јужна Америка, тој тојде до бројката од 79 голови и го прескокна Пеле кој има 77 голови.

Уругвај со голот во последната минута од натпреварот на Гастон Переиро го совлада Еквадор и се искачи на третото место на табелата, додека Колумбија со 3:1 го совлада Чиле.

Резултати:
Парагвај – Венецуела 2:1
Уругвај – Еквадор 1:0
Колумбија – Чиле 3:1
Аргентина – Боливија 3:0
Бразил – Перу 2:0

Табела: Бразил 24, Аргентина 18, Уругвај 15, Еквадор 13, Колумбија 13, Парагвај 11, Перу 8, Чиле 7, Боливија 6, Венецуела 4.

www.slobodenpecat.mk

Претходно

Пукотница во Илиноис: Напаѓачите бегајќи се удриле во воз

Следно

Во Данска се укинуваат сите мерки, 83 отсто граѓани се вакцинирани

Latest from Blog

MacedonianEnglishAlbanian