Фернандез: Кога бев мала учителката ми рече да се откажам од тенисот

2 mins read

Канадската тенисерка не го криеше воодушевувањето од пласманот во финалето на УС Опен.
Фернандез во полуфиналето ја совлада втората носителка Арина Сабаленка со 7:6,4:6,6:4 и си закажа финална пресметка со второто големо изненадување на грен слем турнирот, британската тинејџерка Ема Радукану.

– Сабаленка одлично го започна мечот, но мило ми е што знаев како да реагирам и да се борам за секој поен. Клучен момент на мечот беше триумфот во тај-брејкот во првоит сет. Таа беше подобра во вториот сет и знаеше да ги искористи грешките кои ги направив. Се боревме до крајот и среќна сум што тоа беше борба за секоја топка како да беше последна – беа првите зборови на Фернандез.

Историја на УС Опен: Две тинејџерки ќе играат во финалето

Канаѓанката откри и една анегдота од детството кога многумина не верувале дека таа ќе стане професионална тенисерка и ќе има успеси.

– Многумина се сомневаа во мене. Ми зборуваа дека никогаш нема да станам професионална тенисерка и да му се посветам на учењето. Се сеќавам на зборовите на мојата учителка која ми рече да престанам да тренирам тенисер, дека никогаш нема да станам некој во овој спорт и да му посветам на учењето. Тие зборови секој ден ми се вртат во главата, но исто така секој ден си велам да продолжам да се борам за својот сон – вели Лејла Фернандез.

Овогодинешното издание на УС Опен може да биде камен темелник во кариерата на младите тенисерки. Фернандез до финалето дојде преку победите над две грен слем шампионки и поранешни број еден тенисерки на ВТА ранг листата, Наоми Осака и Анџелик Кербер, додека Радукану е првата тенисерка во историјата на УС Опен која од квалификациите се пласира во финалето.

– Финалето ќе ми помогне да ја зголемам вербата во себе, да сватам дека мојот потенцијал нема граници и дека можам да играм три сета со најдобрите тенисерки. Знам, можам да ги победам, мојата ментална сила беше една од предностите. Уживам во секоја минута на овој турнир, но и надвор од терените – додаде Лејла Фернандез.

www.slobodenpecat.mk

Претходно

Американскиот јавен обвинител поднесе тужба против Тексас поради контровезниот закон

Следно

Во Германија повеќето од хоспитализираните лица се помлади од 60 години

Latest from Blog

MacedonianEnglishAlbanian