Италијанската полиција вршела претреси во домовите на антиваксерите кои планирале насилство

1 min read

Италијанската полиција изврши рација во домови на противници на вакцинација, осомничени за планирање насилство низ целата држава.

Полицијата и специјалните истражители собрале докази во домовите на осомничените, вклучувајќи ги и нивните компјутери и оружје, како што се катани, сабји и солзавец, соопштија денеска италијанските власти.

Антиваксерите и ковид-скептиците во Италија создадоа неколку групи на апликацијата Телеграм.

Таму тие презентирале планови за набавка на оружје, а некои од нив се јавиле и во продавници за оружје и се распрашувале, пренесува италијанска „Република”.

Претреси биле извршени во Рим, Милано, Бергамо, Венеција и Падова.

Противниците на рестриктивните мерки воведени поради коронавирусот во Италија, излегоа на улиците неколку пати во последниве недели.

Организаторите на групата „Но вакс” (No Vax) неодамна ги повикаа поддржувачите да го блокираат пристапот до железничките станици низ целата земја, за да се спротивстават на новите правила за патниците во возовите. Сепак, многу малку демонстранти се појавија.

За патување со воз во Италија потребен е доказ за вакцинација, за прележан Ковид-19 или негативен тест.

www.slobodenpecat.mk

Претходно

Вулин: Се надевам на мешани полициски контроли на мигрантите на границата со Северна Македонија

Следно

Народниот правобранител изрази сочувство за загинатите во пожарот од Тетово и бара брза и ефикасна истрага и одговорност

Latest from Blog

MacedonianEnglishAlbanian