ФОТО+ВИДЕО: Масовни протести во Салвадор, луѓето не сакаат биткоин како официјална валута

3 mins read

Еден ден откако биткоинот стана официјално средство за плаќање во една од најсиромашните земји во светот, Ел Салвадор, избувнаа масовни протести, при што вредноста на таа дигитална валута падна дури за 20 проценти, пренесува Би-Би-Си.

Необичниот и прилично смел експеримент на салвадорската влада и нејзиниот 40-годишен претседател Наџиб Букеле не помина како што тој се надеваше. Освен протестот и лошиот ден на берзата, имаше и технички пореметувања. Еден опозициски политичар утврди дека поради падот на вредноста на биткоинот, во еден момент тој се намалил од 52 илјади долари на 43 илјади.

Протести во Ел Салвадор поради воведувањето на биктоин како официјална валута/ Фото EPA-EFE/Rodrigo Sura
Демонстрантите во Ел Салвадор претседателот на земјата го нарекоа фашист/ Фото EPA-EFE/Rodrigo Sura

Ел Салвадор во еден ден загуби три милиони долари.

За да ги поттикне граѓаните да учествуваат во експериментот и да почнат да користат биткоин за плаќање, владата донираше биткоини во вредност од 30 долари за секој граѓанин. Но, тоа не ги спречи илјадници граѓани да се соберат во главниот град и со палење гуми и фрлање петарди, да покажат што мислат за големиот план на владата.

Протести во Ел Салвадор поради воведувањето на биктоин како официјална валута/ Фото EPA-EFE/Rodrigo Sura

Ел Салвадор е една од најсиромашните земји на светот и е далеку од модерните технолошки трендови. Повеќето, главно сиромашни граѓани немаат ниту банкарска сметка, а многумина немаат пристап до интернет.

Џенет Сандовал (70), продавачка од врата до врата, се противи на новата валута.

“Отсекогаш сум била отворена за промени, но не овој пат. Нашите корисници велат дека нема да платат со биткоин. Во нашата земја има многу неписмени, и тие едвај знаат да користат мобилен телефон.“ вели таа за Би-Би-Си.

Протести во Ел Салвадор поради воведувањето на биктоин како официјална валута/ Фото EPA-EFE/Rodrigo Sura

 

За разлика од Ел Салвадор и некои други земји од Латинска Америка кои размислуваат дали да го следат неговиот пример, дел од земјите во светот, пред се Кина, се занимаваат со зголемена регулација и ограничување на криптовалутите.

Биткоинот стана официјална валута во Салвадор

Украина е најновата земја која го легализира биткоинот

www.slobodenpecat.mk

Претходно

Во ПСЖ само се смееја на понудата од Барса за Нејмар

Следно

Гравет од МЗТ Скопје Аеродром се сели во НБА лигата

Latest from Blog

MacedonianEnglishAlbanian