Брегу: Северна Македонија со програмата „Гаранцијата за млади” ја намалува невработеноста кај младите

2 mins read

Северна Македонија спроведувајќи ја прва програмата „Гаранција за млади” стана пример за тоа како може да се намали невработеноста на младите на Западен Балкан, изјави генералната секретарка на Советот за регионална соработка (РСС) Мајлинда Брегу.

„Невработеноста на младите во сите шест земји од Западен Балкан во 2020 година изнесуваше 35,1 отсто, во споредба со Европската унија, каде тој процент е 16,8 отсто. Само ако препознеме дека е ова голем проблем можеме да го решиме, а во тоа може да ни помогне и програмата Гаранција за млади, за што и честитам на Северна Македонија, која прва ја спроведе“ рече Брегу на првата годишна конференција „Економско закрепнување и раст по Ковид”.

Брегу најави дека РСС ќе покрене Регионална коалиција за работни места и вештини, која ќе помогне за обезбедување на нови работни места. Според неа, нејзина цел е способните млади луѓе да останат во регионот. „Тоа е еден од конкретните примери како да направиме исчекор по прашањето за регионалната мобилност. Тоа е начин на кој младите луѓе ќе ги задржиме во регионот”, додаде Брегу.

Генералната секретарка, како што соопшти синоќа РСС, наведува дека „и натаму постои голем интерес од младите да останат во регионот и тоа е наша предност”.

„Тие се нашиот најголем ресурс. Тие се придвижувачи на регионалната соработка и пристапување кон Европската унија, бидејќи ги гледаат можностите и не се оптоварени со судирите од претходните генерации“ истакна Брегу на конференцијата што втор ден се одржува во Скопје.

www.slobodenpecat.mk

Претходно

Загадувањето на воздухот најголем еколошки ризик за здравјето на луѓето

Следно

Македонија освои 68 медали на Балканското првенство во кикбокс

Latest from Blog

MacedonianEnglishAlbanian