САД и сојузниците од Авганистан евакуирале 124.000 луѓе

1 min read

САД, со помош на меѓународни партнери, евакуираа повеќе од 124.000 луѓе од Авганистан, од кои 6.000 Американци, соопшти денеска Стејт департментот.

– Сакам да им се заблагодарам на нашите сојузници и партнери. Оваа операција беше глобален потфат во секоја смисла, изјави американскиот државен секретар Ентони Блинкен. Тој додаде дека некои земји помогнале во воздушниот транспорт, додека други се согласиле привремено или трајно да прифатат бегалци од Авганистан.

Повеќе од 20 земји учествуваа во акцијата за евакуација на американски државјани, дипломатски персонал од САД и други земји, и загрозени Авганистанци.

– Работиме деноноќно за да се осигураме дека американските граѓани, ранливите авганистански цивили и другите можат безбедно да стигнат до нивните крајни дестинации, соопшти Стејт департментот

www.slobodenpecat.mk

Претходно

Милевски вели дека уште нема конечна одлука за неговата кандидатура за градоначалник на Битола

Следно

Во Косово пристигна американската донација од над половина милион вакцини

Latest from Blog

MacedonianEnglishAlbanian