ВИДЕО | Литовски: Значењето на Денот на државноста е потценет меѓу историчарите и во јавноста

2 mins read

Македонизмот не е ригиден балкански национализам. Тоа е чин на патриотизам и лојалност кон својата земја. Денот на државноста е потценет како мотив и воспитување за одбележување и негување на капиталот на Денот на самостојноста.

За „Утрински брифинг“ на оваа тема говори проф. Александар Литовски.

– Не само со 8-ми Септември, туку и со сите други празници некако како да се заборава улогата на празниците. Празниците имаат своја улога во сите држави, па така треба и кај нас да биде – да се кажат оние важни моменти за да се изгради правилно чувство на патриотизам кон државата и на некоја лојаност. Да се добие чувство на државност, смета Литовски.

Според него отсуствува чувството на државност пред се кај политичките елити:

-Мислам дека еден од главните проблеми на оваа наша 30-годишна транзиција е токму тоа – немањето чувство на државност, особено немањето чувство на државност кај политичките елити, а тоа се гради меѓудругото и со давање значње на празници како 2-ри август, 11-ти октомври, 8-ми септември, вели Литовски.

На прашањето дали тоа значи дека немаме култура на негување на историските факти и чинови, Литовски со одговор:

– Немаме култура, тоа е нешто за што политичарите, бидејќи веројатно тие го прават овој амбиент, немаат разбирање дека чувството за државност е важно за градење на државата. Тоа после се пресликува во сите сегменти – администрација, култура, наука и сето општествено живеење за да се добие една права насока и да се избегнат грешките во самиот развој, објаснува Литовски.

Прашан за тоа дали ние после три децении на современа Македонија, кон македонизмот приоѓаме со епитетите на патриотизам и лојаност или со критика на т.н национал-романтизам, професор Литовски смета дека тоа се должи на неукоста и недоволното историско образование на политичарите и политичките елити.

Целиот разговор ќе може да го погледнете на почетокот на третата сезона на „Утрински Брифинг“.

www.slobodenpecat.mk

Претходно

Социјалистите го предлагаат Рама за мандатар на идната албанска влада

Следно

Шекеринска на Школата за политики: Историјата е многу јасна – државите кои имаат сојузници ќе одат напред

Latest from Blog

MacedonianEnglishAlbanian