На вечерашното основачко собрание на тетовскиот огранок, Движењето Беса ја официјализираше кандидатурата на партискиот лидер Биљал Касами за градоначалник на Тетово. Партискиот претседател од градскиот плоштад порача дека ќе се бори за европско Тетово.
-Тетово не бара импровизација во работата, бара системска работа. Општина Тетово не треба да вработува луѓе само за да пишуваат коментари на социјалните мрежи, платени медиуми за да нема критика и да не се кажува реалноста. Тетовчаните заслужуваат да знаат каде оди секој денар од општинската каса. Тетовчаните заслужуваат активно да учествуваат во трансформацијата на нивниот град. Овој град е толку важен и има толку можности, истакна Касами на собранието.
Тој посочи дека со тимска работа ќе понуди промена за Тетово.
-Овој град треба да биде пример за чистота, и зачувавање на животната средина. Општината треба да биде место за сите, а не за некого. Не парите на општината да одат за гласачката машинерија. Општината треба да биде отворена за сите, за секој граѓанин да биде горд што е жител на Тетово. На денот на изборите да му го вратиме сјајост на Тетово, со најдобрата професионална екипа. Ние нудиме за Тетово и тетовчани да ги компензираме четирите години што ни ги одзедоаа. Имаме можност да направиме промени. Од овој момент ќе тропнеме на секоја врата имаме ресурси и ветуваме дека ќе направиме граѓаните да се гордеат со Тетово, рече Касами.
Лидерот на Беса ѝ беше противкандидат на Теута Арифи и на минатите локални избори во 2017 година.
Извор: МИА
