Заев се надева на брзо решение за спорот со името

во категорија Македонија од
Заев се надева на брзо решение за спорот со името
Премиерот Зоран Заев изјави оти се надева на брзо решение на спорот со името Македонија го има со Грција и кажа дека верува оти во овој процес е постигнат напредок.

Заев на прес-конференцијата во Владата по објавувањето на Извештајот на ЕК во кој Македонија доби чиста препорака, одговарајќи на новинарско прашање рече дека еврокомесарот Јоханес Хан, но и граѓаните се добро информирани дека навистина има напредок во овој процес и дека тоа е поразлично од кога било претходно.

– Тоа ни дава силна желба, волја, оптимизам да продолжиме во наредните недели што се пред нас, рече Заев, додавајќи дека може да бидат две недели, или пак шест недели, но дека ќе се прават напори  за спорот за името да се изнајде решение пред самитот на ЕУ во јуни кога ќе се носи и одлуката за датум за преговори.

Знаеме, потенцира тој, дека е многу важно да се реши ова прашање кое веројатно е последното отворено билатерално прашање што го има Македонија, секако водејќи грижа, како што кажа, за достоинството и идентитетот.

Извор: https://nezavisen.mk/