Руска амбасада: Заев е погрешно информиран за протераниот дипломат

во категорија Македонија од

Руската амбасада во Македонија денеска на Твитер реагираше дека премиерот Зоран Заев бил погрешно информиран за активностите на протераниот руски дипломат.

„Намерно или не, Зоран Заев е погрешно информиран. Протерувањето на нашиот дипломат беше изненадување. Никогаш не сме добиле никакви предупредувања ниту „докази“ за кои зборува премиерот. И натаму сметаме дека овој чин е неоснован и нанесува штета на руско-македонските односи“, напишаа од амбасадата на Твитер.

Заев во интервју за телевизијата 24 изјави дека протераниот руски дипломат неколку пати бил предупредуван, но и покрај тоа продолжил со вршење активности за кои не бил акредитиран во земјата и дека таквите докази и биле презентирани на руската амбасада.

Извор:http://www.alsat-m.tv/mk