Скопско астрономско друштво организира нов Курс по астрономија за деца

во категоријата Технологија

По огромниот интерес за Курсот по астрономија за деца во изминатите 2 години, Скопското астрономско друштво повторно ќе се обиде да им ја приближи астрономијата на децата на возраст од 7 до 12 години.

Курсот ќе започне на 28.05.2019 и ќе опфати 5 предавања и работилници и доделување на дипломи. Предвидено е да се организираат 2 групи согласно возраста на децата, со почеток на предавања од 18:00 часот за помалите и 19:00 часот за повозрасните деца и ќе траат околу еден час. Курсот ќе се одвива во простории на ФЕИТ, со исклучок на посета на Планетариум.

Распоред на предавања:

  • 28.05 – Посета на Планетариум при МКЦ
  • 30.05 – Прошетка низ Сончев систем
  • 04.06 – Работилница за планети (I дел) – Моделирање со пластелин
  • 06.06 – Работилница за планети (II дел) – Боење на стиропорни топки
  • 11.06 – Астрономски феномени низ експерименти
  • 13.06 – Доделување на дипломи

Цената на курсот е 1500 денари и во неа се вклучени: посета на Планетариум, учество во интерактивни предавања, книга за детска возраст, комплет материјали кои ќе се користат на работилниците и маица од Скопско астрономско друштво.

За пријава, потребно е да се пополни формуларот на следниот линк.

Напомена:

  • Бројот на учесници е ограничен и поради тоа ќе важи принцип на прв/а пријавен/а, прв/а запишан/а. Пријавувањето трае до 20.05.2019.
  • Запишаните ќе добијат потврда од Скопско астрономско друштво, по што ќе можат да извршат уплата.
  • Уплатата може да се изврши во понеделник / 20.05 од 20:00 часот во училна 122 на ФЕИТ, или на сметка на друштвото со назнака: Курс по астрономија за деца 2019 и име на детето. При уплата на сметка, ве молиме испратете фотокопија од вирманот на [email protected].
  • За распоредот на групите ќе бидете известени непосредно пред почетокот на курсот.

ИЗВОР: https://usb.mk