Асошиејтед прес, повикувајќи се на објави од руски медиуми, пренесе дека во пожарот загинало едно лице, а двајца се повредени. Засега нема информации за нивните идентитети
Федералната служба за безбедност на Русија (ФСБ) е руска служба за внатрешна безбедност одговорна за контраразузнавачките активности, безбедноста на границите и борбата против тероризмот
Голем пожар денеска избувна во зградата на регионалниот пограничен оддел на Федералната служба за безбедност на Русија (ФСБ), лоцирана во јужниот руски град Ростов.
Асошиејтед прес, повикувајќи се на објави од руски медиуми, пренесе дека во пожарот загинало едно лице, а двајца се повредени. Засега нема информации за нивните идентитети.
A Federal Security Service (FSB) building in the southern Russian city of Rostov-on-Don has caught fire, media outlets reported.https://t.co/9jM99Xkw6A pic.twitter.com/6BolvRqFQs
— The Moscow Times (@MoscowTimes) March 16, 2023
На видеоснимките од пожарот, објавени на социјалните мрежи, се забележуваат големи пламени јазици кои зафаќаат делови од зградата, а над неа се издигнуваат облаци од густ чад.
Пожарот се проширил на површина поголема од 800 квадратни метри.
Two walls collapsed in the FSB building in #Rostov-on-Don.
Authorities say the fire was caused by a short circuit in the warehouse, which set tanks with fuel and lubricants on fire. One person has been reported dead and at least two wounded. pic.twitter.com/CDDXY9Yr0u
— KyivPost (@KyivPost) March 16, 2023
Гувернерот на градот Ростов, Василиј Голубев, рече дека пожарот е предизвикан од краток спој на електричните инсталации во зградата. Во објавата на својот канал на Телеграм, Голубев пишува дека пожарот избувнал во помошните простории на зградата по што предизвикал и експлозија откако биле зафатени и резервоари со гориво.
„Околните згради се евакуирани, а властите започнаа истрага“,
изјави Голубев.
Пожарот бил изгаснат до 16 часот по локално време.
Федералната служба за безбедност на Русија (ФСБ) е руска служба за внатрешна безбедност одговорна за контраразузнавачките активности, безбедноста на границите и борбата против тероризмот.
Извор: 360stepeni.mk
